Unha vintena de localidades galegas comezaron a despedida do ano pola mañá
Unha vintena de localidades galegas comezaron a despedida do ano pola mañá
Adiantaron as baladas e as uvas ás doce da mañá
En Sanxenxo e Foz atrevéronse co último baño do ano no mar
Con este ambiente Vilagarcía anticipaba a entrada no ano novo. Desde as doce da mañá, o concello vive extraoficialmente no 2024 e a festa é continua. Repartiron 350 quilos de uvas e máis de 400 botellas de cava.
En Sanxenxo quedaron sen calendarios do 2023 pero non sen música. Coa queima dos almanaques comezaban esta mañá a celebración. Ao mediodía soaron as badaladas, houbo cotillón e moitas apertas.
Xa pola tarde, na praia de Silgar, os máis atrevidos déronse o último baño do ano. Foi un mergullo solidario organizado pola Asociación Aldaina co obxectivo de recadar fondos para a investigación do cancro infantil.
Na Mariña de Lugo tamén houbo despedida do ano no mar. Para este grupo de bañistas xa é tradición bañarse o 31 de decembro na praia da Rapadoira en Foz e despois brindar xuntos con cava cos mellores desexos para 2024.
Máis abrigados despediron o 2023 nesta montaña de Pena dos Catro Cabaleiros a 1.100 metros de altitude. Neste lugar que une os concellos lucenses de Folgoso do Courel, A Pobra de Brollón, O Incio e Samos iniciaron o ano con algo máis que uvas e bos propósitos.
