Primeiro debate televisado entre os cinco candidatos na Arxentina

Os cinco candidatos nas eleccións presidenciais da Arxentina protagonizaron onte á noite o seu primeiro debate televisado. O ultradereitista Javier Milei segue sendo o favorito nas enquisas para entrar na Casa Rosada o 22 de outubro.

Aínda que se debateu moito sobre economía, e sobre todo co candidato oficialista Sergio Massa, a polémica veu co discurso negacionista de Milei no bloque dos dereitos humanos. Negou que houbese 30.000 desaparecidos durante a ditadura. O seguinte cara a cara entre os candidatos será o próximo domingo 8 de outubro.