Punto de fe do Compostela ante o Pontevedra (2-2)

Compostela e Pontevedra empataron nun derbi espectacular xogado no Vero Boquete. O conxunto pontevedrés foi moi superior durante setenta minutos. Marcaron Dalisson e Rufo no primeiro tempo e os de Iago Iglesias gozaron de ocasións dabondo para aumentar a vantaxe. 

Pero non sentenciou o cadro visitante e o Compostela meteuse no partido con moita fe e carraxe. No 76 Giuliano Bertino realizou unha gran manobra na área e na última xogada do partido (minuto 95) Manu Rivas conseguía o gol do empate cando o seu conxunto estaba en inferioridade.