Putin ordena un cesamento do fogo polo Nadal ortodoxo
Putin ordena un cesamento do fogo polo Nadal ortodoxo
Empezará este venres ao mediodía e durará 36 horas
Ucraína di que haberá tregua cando Rusia abandone os territorios ocupados
![](https://img-g24-crtvg.flumotion.com/prog24/2022/20221015/202210142305WD-UKRAINE-CRISISPUTIN-GERMANY_O__frame_4875.png)
O presidente de Rusia ordenou un cesamento do fogo de 36 horas a partir das 12:00 horas de Moscova deste venres ao longo de toda a liña da fronte en Ucraína, segundo informou o Kremlin.
Segundo a nota da Presidencia rusa, a decisión do xefe do Estado é en resposta ao chamamento do patriarca da Igrexa ortodoxa rusa de establecer unha tregua de Nadal, que se celebra o 7 de xaneiro.
A tregua proposta polo xefe relixioso para que os crentes poidan acudir aos templos en Noiteboa e Nadal debía entrar en vigor ás 12.00 horas de Moscova deste venres 6 de xaneiro e estenderíase ata as 24.00 horas do día 7, o mesmo prazo do cesamento do fogo ordenado por Putin.
É a primeira vez que o presidente ruso dispón un cesamento do fogo en todos as frontes desde que lanzou o 24 de febreiro pasado a súa campaña militar en Ucraína.
Ucraína responde ao cesamento do fogo de Rusia
Un asesor da oficina presidencial ucraína declarou en resposta ao anuncio de Moscova que só haberá "unha tregua temporal" cando Rusia abandone os territorios ocupados
Mijailo Podolyak, unha das figuras máis cercanas a Zelenski, escribiu nas redes sociais que Ucraína non está atacando un país estranxeiro senón defendendo o seu territorio e cualificou de "hipócrita" o anuncio ruso.