Rusia confirma o primeiro ataque ucraíno con mísiles de longo alcance estadounidenses
Rusia confirma o primeiro ataque ucraíno con mísiles de longo alcance estadounidenses
Segundo o parte de guerra, cinco mísiles foron derrubados e os fragmentos dun sexto impactaron de fabricación no recinto dunha instalación militar na rexión fronteiriza de Briansk
Putin aproba doutrina que permite unha resposta nuclear a un ataque convencional
A guerra en Ucraína fai 1.000 días, entre a incerteza polos próximos movementos internacionais
Reuters
O Ministerio de Defensa de Rusia confirmou hoxe o primeiro ataque ucraíno con mísiles balísticos de fabricación estadounidense ATACMS contra unha instalación militar en territorio deste país.
Segundo o parte de guerra, cinco mísiles foron derrubados e os fragmentos dun sexto impactaron de fabricación no recinto dunha instalación militar na rexión fronteiriza de Briansk.
"Como resultado, declarouse un incendio que foi operativamente extinguido. Non hai mortos nin feridos", sinala o comunicado castrense colgado en Telegram.
O ataque foi perpetrado ás 03:25 da madrugada, "segundo datos confirmados, co uso de mísiles tácticos ATACMS de fabricación estadounidense".
As baterías antiaéreas S-400 e Pantsir abateron cinco dos mísiles, precisa o comunicado.
Previamente, o Estado Maior ucraíno informara, sen dar detalles do armamento utilizado, sobre un ataque exitoso contra un arsenal do Exército ruso en Briansk.
A prensa informou en principio de que o permiso unicamente incluía a rexión fronteiriza de Kursk, parcialmente ocupada por tropas ucraínas desde agosto e onde Moscova despregaría miles de soldados norcoreanos.
