Remontada do Pontevedra en Asturias cun futbolista menos

Na segunda federación, hoxe so había un partido con presenza galega, a visita do Pontevedra a un rival da parte alta como é o Langreo.

E saldouse con remontada dos granates. Porque abriu o marcador o equipo asturiano por medio de Cristian aos nove minutos.

O Pontevedra reaccionou antes do descanso, e conseguiu o empate por medio de Charles. E logo dun gol anulado e da expulsión de Churre, un penalti permitiulle a Charles marcar o dobrete no último minuto.

É o duodécimo tanto do pichichi da categoría, que deixa ao Pontevedra de segundo a dous puntos do Adarve.