Repsol deixa no aire investimentos de 1.500 millóns en España

Repsol decidirá antes de febreiro que investimentos en España revisa, tal e como advertiu a semana pasada o conselleiro delegado da petroleira, Josu Jon Imaz: "Precisamos dun marco regulatorio e fiscal claro, predecible e estable. Do contrario, temos outras alternativas".

O presidente de Petronor e conselleiro de Repsol apuntou que esa cautela investidora pode afectar a dous proxectos estrela nos seus plans de descarbonización: unha planta de hidróxeno de 100 megawatts e outra de producións de combustibles sintéticos no Porto de Bilbao. 

"Nunca se dixo que se vai ir de España. O noso aviso é que se non hai un marco regulatorio estable e previsible, adecuado ao noso entorno europeo, loxicamente os investimentos teñen que estar en 'stand by'", dixo López Atxurra, que sostén que o acordo de PSOE e Sumar discrimina o sector enerxético.

Non está de acordo a vicepresidenta económica do Goberno, que apela aos 2.785 millóns de euros que gañou Repsol nos primeiros nove meses deste ano, e di que hai marxe para unha aportación maior. 

"Por suposto, ese é un ámbito en que creo que acertamos. Os resultados milmillonarios que estamos coñecendo estes días dos bancos e das entidades enerxéticas explican que é necesario que contribúan", defende Nadia Calviño. Tamén os sindicatos critican o que consideran unha chantaxe das enerxéticas ao Executivo.