Cargando resultados...
Rescatada unha persoa con síntomas de hipotermia tras caer ao río en Ribadavia
Rescatada unha persoa con síntomas de hipotermia tras caer ao río en Ribadavia
Segundo o 112 Galicia, precipitouse desde a terraza dun establecemento hostaleiro situado ás beiras do río Avia
G24.gal
04/03/2023 10:04
Última actualización 04/03/2023 13:02
Unha persoa foi rescatada esta mañá con síntomas de hipotermia, tras caer ao río en Ribadavia (Ourense) desde a terraza dun establecemento hostaleiro situado na rúa Porta da Vila.
A caída produciuse desde unha estrutura instalada a certa altura e nun espazo do río de acceso complexo para os equipos de emerxencias. O 112 Galicia recibiu o aviso ás 6:30 desta mañá. Os axentes da Garda Civil solicitaron, tras varios intentos sen éxito, a axuda dos equipos de emerxencias para sacar o ferido do río.
A persoa afectada foi atendida no lugar do accidente. Presentaba síntomas de hipotermia e un golpe como consecuencia da caída.
