Rubén Blanco estará no inicio da pretemporada do Celta

Rubén Blanco estará no inicio da pretemporada do Celta. Este 30 de xuño remata a cesión no Olympique de Marsella. Que quede no Celta ou sexa traspasado ao Marsella non depende del.

"O día 3 empezo a adestrar. Non teño moito poder de decisión, estou á disposición do que o club queira. Estou namorado do Celta e a decisión non é miña", comentou Blanco para a Televisión de Galicia. "Todo o que eu diga son cábalas que non teñen ningún tipo de sentido", recalcou o porteiro que fía todo ao que negocien o seu representante e o club vigués.