Rueda desvela este domingo a composición do seu goberno

Alfonso Rueda desvelará na xornada de mañá a composición do seu goberno. Todo apunta a un executivo continuísta, pero nos últimos días deu algunhas pistas sobre as posibles novidades.

A Diego Calvo ofreceulle publicamente entrar no goberno, pero non desvelou que posto podería ocupar. El pode ser unha das novidades no novo executivo.

Co resto dos conselleiros, que o acompañaron este sábado na toma de posesión, mantivo contactos nos últimos días. Haberá que agardar ata este domingo para coñecer a nova estrutura do goberno. O vindeiro luns pola mañá tomarán posesión os conselleiros.