Rueda non prevé cambios "inmediatos" en Sanidade

O presidente da Xunta, Alfonso Rueda, di que "respecta as críticas e decisións de algúns", en relación á dimisión do presidente do Consello Galego de Médicos, Isidro Lago, e asegura que o seu Goberno seguirá "mantendo canles de diálogo".

En declaracións aos medios tras o Consello da Xunta deste xoves, Rueda afirmou que "non pode garantir" que non haxa remudas en algunha consellería no futuro, pero engadiu que non "ten intención directa e inmediata de facer cambios de ningún alto cargo".

O xefe do Goberno galego asegura que a súa obriga é escoitar as propostas de mellora na Sanidade e que seguirá falando cos profesionais.