Goirigolzarri presenta a súa renuncia como presidente de CaixaBank
Goirigolzarri presenta a súa renuncia como presidente de CaixaBank
Ocupou o cargo dende 2021 e a súa dimisión é de carácter voluntario
Tomás Muniesa, ata o de agora vicepesidente, subsituirá a Goirigolzarri
Gustavo Valiente/EuropaPress
O presidente de CaixaBank, José Ignacio Goirigolzarri comunicou este mércores a súa renuncia voluntaria ao cargo de presidente executivo de CaixaBank, que ocupaba desde a absorción de Bankia, en marzo de 2021.
Con esta substitución dentro da cúpula de CaixaBank volve estar sobre a mesa a cuestión da presidencia executiva, un cargo que ao Banco Central Europeo (BCE) lle xera dúbidas por concentrar funcións executivas e de representación.
Goirigolzarri foi presidente executivo de CaixaBank desde 2021, cando a entidade absorbeu a Bankia, onde tamén ocupaba o cargo de presidente desde 2012. A integración de ambas as entidades creou o maior banco do mercado español.
Con todo, na banca española, dous dos grandes grupos, Santander e BBVA, manteñen este posto, que ocupan Ana Botín e Carlos Torres.
Tomás Muniesa substituirá a Goirigolzarri
José Ignacio Goirigolzarri será substituído por Tomás Muniesa, ata o de agora vicepresidente da entidade.
Muniesa asumirá o cargo o 1 de xaneiro de 2025, momento a partir do cal a presidencia do banco deixará de ter funcións executivas, informou CaixaBank á Comisión Nacional do Mercado de Valores (CNMV).
A saída de Goirigolzarri chega ao termo dun ciclo estratéxico para a entidade, que presentará a súa folla de ruta 2025-2027 o próximo 19 de novembro.
.png)