Rusia ataca a cidade natal do presidente ucraíno, Voldomir Zelenski

Un masivo bombardeo ruso con mísiles deixou polo menos dez mortos en Kryvyi Rhi, na rexión ucraína de Dnipropetrovsk e cidade natal do presidente Volodímir Zelenski, que o cualificou de "ataque terrorista" por parte das tropas rusas.

O último balance de vítimas foi ofrecido polo alcalde da cidade, Oleksandr Vilkul, que cifrou en 28 o número de feridos e declarou para mañá un día de loito oficial.

O xefe da administración militar da rexión, Serhiy Lysak, informara previamente a través da súa canle de Telegram de que os rusos perpetraran " outro acto terrorista contra zonas residenciais. Durante toda a noite. Hai mortos e feridos". "Os apartamentos do primeiro ao quinto piso están en chamas. O lume cubriu 700 metros cadrados. Os rescatistas están a apagalo", dixo Lysak, citado pola axencia de noticias Ukrinform.

Segundo Ukrinform, un mísil ruso de alta precisión impactou contra un bloque de apartamentos.

Kryvyi Rhi, de 635.000 habitantes, está situada a 440 quilómetros ao sur de Kíiv. 

Segundo a axencia Ukrinform, un mísil ruso de alta precisión impactou contra un bloque de apartamentos e un número indeterminado de residentes seguen entre os entullos.

Kryvyi Rhi, de 635.000 habitantes e situada uns 440 quilómetros ao sur de Kiev, é a cidade natal do presidente ucraíno, Voldomir Zelenski.

O presidente ucraíno mandou, nunha mensaxe a través das súas redes sociais, que "os mísiles terroristas, asasinos rusos continúan a súa guerra contra edificios residenciais, cidades comúns e persoas. Desafortunadamente, hai mortos e feridos. A operación de rescate en Kryvyi Rih continúa".

"As miñas condolencias a todos aqueles que perderon aos seus seres queridos! Os terroristas nunca serán perdoados e serán responsables por cada mísil que lancen", agregou.