Rusia suspende o acordo de exportación de gran ucraíno dende Crimea

Moscova suspende o pacto que permitía a exportación de cereais desde os portos ucraínos. Un acordo alcanzado en xullo para evitar unha crise alimentaria global.

O voceiro do Ministerio de Defensa explicou que a decisión responde a un ataque contra buques da súa frota en Sebastopol por parte de Kíiv, con axuda do Reino Unido. Di que deixou danos menores porque o repeleron.

Ucraína afirma que afectou a catro barcos de guerra rusos pero mantén que foi un fallo dos propios rusos ao manipular explosivos, que Moscova usa como pretexto para bloquear o corredor de gran.

A ONU está en contacto coas autoridades rusas para que volvan ao pacto e pídelles ás dúas partes que non o poñan en risco. Subliña que ata o de agora salvou cen millóns de persoas de caer na pobreza extrema.