Sánchez necesitará o si de Junts: o PP arrebátalle un escano ao PSOE en Madrid
Sánchez necesitará o si de Junts: o PP arrebátalle un escano ao PSOE en Madrid
Avanzárono fontes do PP, que pediron prudencia porque aínda queda o reconto xeral do voto exterior, pero no PSOE xa o dan tamén por feito
A Sánchez non lle bastaría xa coa abstención dos de Puigdemont na segunda votación da investidura, xa que tería 171 votos a favor, un menos que os posibles apoios de Feijóo
Xornada de reconto do voto exterior das elección xerais do 23X (EFE/ Miquel A. Borràs)
O PP está a piques de sumar un escano máis aos seus 136 á conta de quitarllo ao que tiña o PSOE en Madrid, o que fai que os socialistas somen 121 deputados e se vexan obrigados agora a buscar o si de Junts para unha nova investidura de Pedro Sánchez xa que só coa súa abstención non sería suficiente, informaron esta noite fontes do PP.
As mesmas fontes pediron, con todo, ser aínda prudentes porque aínda queda o reconto xeral e os votos nulos. O exdiputado de UPN Carlos García Adanero entraría no Congreso, á conta do exalcalde socialista de Alcalá de Henares, que xa non sería deputado.
Fontes do PSOE xa dan por feito tamén a perda dese escano. Isi si, salientan que "a falta de confirmación oficial", o posible cambio dun escano en Madrid polo reconto do voto CERA "non modifica a situación para formar maiorías".
Con este novo escano o PP podería lograr 137 deputados e o PSOE retrocedería aos 121, o que faría que o bloque que pode apoiar a investidura do presidente popular, Alberto Núñez Feijóo -(Vox 33), (UPN 1) e (CC 1)- alcanzase os 172 escanos, fronte aos 171 do bloque que tería Sánchez con Sumar (31), ERC (7), EH Bildu (6), PNV (5), e BNG (1) .
Segundo esta aritmética, o presidente do Goberno en funcións necesitaría o apoio afirmativo de Junts para poder lograr unha investidura, xa que a abstención dos 7 deputados independentistas cataláns non sería suficiente segundo este primeiro resultado.
