Sánchez pídelles aos empresarios que suban os salarios dos traballadores

O presidente do Goberno pediulles este mércores aos empresarios que aproveiten a "bonanza actual" para investir no seu "futuro como empresas e no noso como país".

"Debemos pagar mellores salarios, reforzar a formación, flexibilizar os horarios e facer que o traballo sexa unha experiencia máis saudable e satisfactoria", dixo Pedro Sánchez no acto de clausura da asemblea anual do Instituto da Empresa Familiar (IEF), en Madrid.