Salva Arco celebra “o éxito rotundo” da campaña de abonados do Breogán
Salva Arco celebra “o éxito rotundo” da campaña de abonados do Breogán
O Breogán chega á cifra histórica de 5.037 abonados
O director do Río Breogán, Salva Arco, celebrou este venres o “éxito rotundo” da campaña de abonados do club lucense para a tempada 2024-25, a cal tiveron que paralizar por alta demanda de abonos.
“Quero recalcar o éxito rotundo da campaña de abonados, así como a resposta dos afeccionados. Conseguimos a cifra de 5.037 abonados, tendo que pechar a posibilidade de novas altas ás dúas horas de abrir ese prazo”, comentou o ex-xogador en conferencia de prensa.
Salva Arco revelou que hai 257 reservas de abono que deberán ser formalizadas antes do próximo 8 de setembro, ademais de “máis de 150 persoas” para ser abonados en lista de espera.
“O breoganismo está máis vivo que nunca, é unha cifra histórica”, subliñou o director xeral do Breogán.
