Sánchez visita a illa da Palma para apoiar a reconstrución

Oitava visita do presidente do Goberno á Palma, a primeira dende que se deu por finalizada a erupción do volcán. 

Sánchez presidiu a reunión do Pevolca e xuntouse cos profesionais e voluntarios que atenderon a emerxencia volcánica.

Dixo que agora comeza a andaina cara á reconstrución da illa, e lembrou que xa se mobilizaron 138 millóns de euros en axudas.

Sánchez sinalou que nas visitas que realizou á illa desde o inicio da erupción volcánica tivo tempo a coñecer o significado do termo "identidade palmeira", que representa, dixo, o sentido da solidariedade, de superación e de resistencia.