Sanidade calcula que o pico da gripe en Galicia será entre o 20 e o 26 de xaneiro

O conselleiro de Sanidade, Antonio Gómez Caamaño, informou de que na última semana do ano rexistrouse "un incremento do 21 % da incidencia da gripe" en Galicia e que se prevé que o pico máximo vai producir "entre o 20 e o 26 de xaneiro".

Díxoo este martes nunha visita ás obras do centro de saúde de Abegondo (A Coruña), onde explicou que os casos de gripe "están a ascender" aínda que "nunha fase de baixa intensidade".

Segundo os datos da última semana do ano, houbo un "incremento do 21 % da incidencia da gripe" en Galicia.

"Esta semana revisaranse os datos e os modelos preditivos", indicou, e apuntou que calculase que o máximo pico será na semana do 20 ao 26 deste mes.

Aínda que non acabou a campaña de vacinación, asegurou que "as taxas en xente maior e novas son boas".

Sobre a área sanitaria da Coruña, Gómez Caamaño detallou que "hai 49 persoas ingresadas por gripe e 14 por covid".

Resumiu que "a gripe vai subindo progresivamente, a covid permanece estable e apenas se detecta virus respiratorio sincipital en nenos".