Seguimos sen librarnos das chamadas comerciais non desexadas

A norma establece que temos dereito a non recibir chamadas con fins comerciais ou publicitarios, pero a realidade é que o spam telefónico segue alterando a vida dos consumidores. 

Unha proba de que esta práctica segue á orde do día é que o ano pasado se duplicaron as reclamacións ante a Axencia Española de Protección de Datos. 

Os consumidores non entende por que esta molestia continúa, despois dun ano da aprobación da lei. A lei incúmprese de forma xeneralizada pero ás veces os propios consumidores de forma inconsciente contribúen a iso.

As organizacións de consumidores esixen que se vixíe o cumprimento da lei para acabar co bombardeo das chamadas spam.