Só tres concellos galegos están libres do covid este primeiro día do ano

Galicia leva varios días batendo marcas e a sexta vaga da pandemia afecta practicamente a toda a comunidade.

Só quedan tres concellos libres de coronavirus. Dous están na provincia de Ourense: A Porqueira e Calvos de Randín. O outro está na montaña de Lugo: Ribeira de Piquín. Son concellos pouco poboados, de menos de mil habitantes.

A listaxe de concellos libres de covid foi reducíndose nas últimas semanas e neste primeiro día de 2022 só estes tres concellos poden vivir coa tranquilidade de non ter ningún contaxiado entre os seus veciños.