Stellantis Vigo prepara outro ERTE para 2023 por falta de microchips

Stellantis Vigo prepara un terceiro ERTE consecutivo para todo 2023 pola falta de microchips. Segundo fontes sindicais, os fabricantes de coches traballan coa previsión de que a crise dos semicondutores se estenderá tamén o ano que vén.

Así que a planta viguesa porá en marcha outro expediente de regulación temporal de emprego preventivo para cubrir as eventuais paradas de produción. En xaneiro comezarán as negociacións para a nova regulación, extensible a todo o cadro de persoal, 7.500 traballadores.