Suráfrica confirma a morte de 45 persoas pola caída dun autobús por un barranco
Suráfrica confirma a morte de 45 persoas pola caída dun autobús por un barranco
O único sobrevivinte é un neno de 8 anos, que está hospitalizado
As autoridades de Suráfrica confirmaron a morte de 45 persoas que viaxaban nun autobús que caeu o pasado xoves por un barranco no norte do país e onde só se salvou un neno de oito anos.
"Envío as miñas máis sinceras condolencias aos familiares das vítimas deste tráxico accidente de autobús. Os nosos pensamentos e oracións están con eles neste momento tan difícil", sinalou a ministra de Transporte de Suráfrica, Sindisiwe Chikunga, en declaracións recollidas polos medios locais a pasada noite.
O accidente ocorreu o pasado xoves pola mañá, cando o autobús perdeu o control na ponte de Mmamatlakala, na provincia norteña de Limpopo.
Ao estrelarse, tamén se queimou, calcinando a moitos dos pasaxeiros.
As operacións de rescate continuaron ata altas horas da pasada noite.
O vehículo, con matrícula da veciña Botswana, supostamente procedía dese país para participar nunhas reunións relixiosas por motivo da Semana Santa na cidade surafricana de Polokwane.
O único sobrevivente está a recibir tratamentos médicos nun hospital próximo.
