Na estrea de Sumar no CIS, a plataforma irrompe cunha intención de voto do 10 %
Na estrea de Sumar no CIS, a plataforma irrompe cunha intención de voto do 10 %
Podemos perdería a metade dos seus apoios, pero a suma das dúas formacións podería supor un impulso da esquerda
A enquisa volve dar como gañador ao PSOE, co 30,4 % de estimación de voto, seguido do PP, co 26,1 %
Yolanda Díaz durante a presentación da candidatura. EFE/ Víctor Lerena
Sumar, a plataforma da vicepresidente segunda, Yolanda Díaz, irrompe na primeira enquisa en que o CIS pregunta pola formación, e dálle un 10,6 por cento dos apoios.
A súa presenza na enquisa tamén se traduce en que Podemos perde a metade dos seus apoios, e queda no 6,7 % respecto ao 10 % que lle daban na anterior sondaxe. Aínda con todo, esta enquisa impulsa as opcións do conxunto da esquerda.
A sondaxe, elaborada entre o 31 de marzo e o 5 de abril, coincidindo coa presentación da candidatura de Yolanda Díaz para as xerais, dá gañador o PSOE, cun 30,4 por cento en estimación de voto, aínda que cae 2,3 puntos, e mantén no segundo lugar ao PP, cun 26,1 por cento fronte ao 28 por cento do mes anterior.
Vox sobe un punto nun mes e mantén o terceiro posto co 11,1 %, e Ciudadanos quedaría relegado cun 2,8 % dos votos estimados.
O BNG obtería, segundo esta sondaxe, un 0,5 % dos votos.
