Susana Rodríguez comparte experiencias con alumnos

Vemos a campioa do mundo de tríatlon, Susana Rodríguez Gacio, volvendo ao colexio. Foi esta mañá en Ribadumia.

Susana compartiu con eles as súas experiencias, vitais, profesionais e deportivas. Faloulles de que non sempre querer é poder, pero que con traballo, constancia e apoio se poden cruzar grandes metas.

E sobre o deporte xirou a curiosidade dos rapaces e rapazas.

"Moitas veces o complicado é atopar adestrador ou clubs", respondía Susana ás preguntas.

Se cadra por iso Susana acaba de crear o seu propio club de atletismo, unha oportunidade para que outros nenos e nenas dean os seus primeiros pasos no deporte, seguindo as pegadas dunha campioa olímpica.