Susana Rodríguez Gacio, medalla Castelao
Susana Rodríguez Gacio, medalla Castelao
Comparte o premio con Ledicia Costas, Siniestro Total, Lino de Prado e Rafael López
Logrou o ouro dos Xogos de Tokyo
A medalla Castelao para Susana Rodríguez Gacio é o premio a unha vida de superación e de éxitos.
Compaxina desde a infancia a súa dedicación ao deporte coa paixón pola medicina. Desde 1998 practicou atletismo cunha profesora da Organización Nacional de Cegos Españois (ONCE) no Centro de Tecnificación de Pontevedra.
Participou en competicións de atletismo ata 2008, ano que ao non conseguir praza no mundial paralímpico, decidiu cambiar a actividade deportiva polo tríatlon. En 2009 diplomouse en fisioterapia en Vigo e en 2015 licenciouse en medicina na Universidade de Santiago de Compostela, ano no que comezou a preparar o mir (médico interno residente).
En 2016 competiu nos Xogos Paralímpicos do Río de Xaneiro xunto ao seu guía Mabel Gallardo, quedando en quinta posición na proba individual de tríatlon. Rodríguez Gacio clasificouse para participar nos Xogos Paralímpicos de Tokio 2020, sendo a primeira española en competir en dous deportes nuns Xogos Paralímpicos: tríatlon e atletismo.
Consagrouse campioa paralímpica de tríatlon na clase PTVI xunto ao seu guía Sara Loehr. Neses mesmos Xogos logrou a quinta posición en 1500 metros lisos da mesma clase, xunto ao seu guía Celso Comesaña. Ademais, converteuse en candidata do Consello de Deportistas do Comité Paralímpico Internacional. Ao longo da súa carreira deportiva logrou, ademais do ouro dos Xogos de Tokyo, nove medallas no Campionato Mundial de Tríatlon Adaptado entre os anos 2012 e 2022, e oito medallas no Campionato Europeo de Tríatlon Adaptado entre os anos 2013 e 2023.
