Tanxugueiras leva a súa música ás festas da Pascua de Padrón

Padrón celebra estes días a festa máis importante da localidade, a súa Pascua, declarada de interese turístico de Galicia. Máis de dez días de festexos e actividades con moita presenza da música. 

Esta noite a vila bailará ao ritmo de Tanxugueiras. Será na praza do Fondo da Vila a partir da medianoite.

No seu último vídeo, as galegas comparten protagonismo co rapeiro madrileño Rayden. O tema, Averno, nace como unha declaración de intencións respecto a un sentimento común: a rabia.