Tensión entre agricultores e antidisturbios durante unha protesta en Zaragoza

Nova xornada de protestas dos agricultores en varios puntos de España. En Zaragoza un grupo de manifestantes intentou acceder á sede das Cortes de Aragón, custodiada polos antidisturbios. Houbo varias cargas policiais que provocaron momentos de tensión.

No País Vasco, tres tractoradas confluiron nas Xuntas Xerais de Guipúscoa para facer oír as reivindicacións do sector primario.

E os agricultores cataláns manteñen os cortes en varias estradas malia anunciar que levantaban o bloqueo da AP-7 logo de que a Generalitat aceptase varias das súas esixencias.