Todo preparado para o San Xoán

Os que andaban esta mañá polo paseo marítimo da Coruña xa podían botarlle un ollo ao conxunto escultórico chantado na praia de Riazor.

A xente distingue ben a torre de Hércules que enmarca a escultura, pero sobre o resto hai dúbidas.

Cando este xoves caia a noite, a escultura converterase na cacharela máis concorrida das 500 para as que se solicitou permiso. E canda as fogueiras que ardan en Riazor e Orzán reuniranse unhas 130.000 persoas.

As praias xa están valadas para que a festa sexa o máis ordenada posible. Ese tamén é o obxectivo
Panxón, que tras dous anos sen troula, recupera o San Xoán coas súas tradicionais fogueiras no areal.

Despregárase un cento de efectivos para garantir que non haxa problemas, asegura Alex Caldeiro, o responsable de Protección Civil de Nigrán.

Polo demais o que se recomenda é sentidiño.