Este mércores retomarase a busca dun mozo afogado preto da presa de Velle, en Ourense

Os servizos de emerxencias retoman este mércores a busca do corpo dunha persoa afogada na praia fluvial de Oira, en Ourense.
Varias persoas alertaron o 112 Galicia de que viran unha persoa en apuros na auga arredor das oito da tarde deste martes.

No operativo de rescate traballaron os Bombeiros de Ourense, os axentes da Garda Civil e da Policía Local e Nacional.

Os bombeiros teñen o corpo localizado, pero sería necesario o rescate en profundidade.

Para iso, desde o 112 Galicia, fixéronse as xestións oportunas para que se reduza o caudal desde o encoro de Velle para prestar axuda mediante equipos de mergullo.