O temporal de neve afectou 63 estradas españolas, seis delas na rede principal
O temporal de neve afectou 63 estradas españolas, seis delas na rede principal
A Dirección Xeral de Tráfico pide prudencia ás persoas que circulen polo centro da península
As vías máis prexudicadas están en Castela-A Mancha, Castela e León, Aragón, a Comunidade de Madrid e a Valenciana
O temporal de neve afectou nas últimas horas 63 estradas españolas, seis da rede principal e 57 da secundaria, segundo fontes da Dirección Xeral de Tráfico (DXT).
Na noite do venres, os 400 vehículos atrapados polo temporal na N-122 ao seu paso por Soria, entre os portos do Madero e de Omeñaca, renovaron a marcha logo da actuación da maquinaria de mantemento.
A Unidade Militar de Emerxencias de Zaragoza mobilizou efectivos para colaborar, cos servizos de emerxencia despregados na provincia de Soria, nos labores de rescate das 600 persoas que quedaran atrapadas nos seus vehículos como consecuencia das intensas nevaradas.
A DXT pide prudencia
A Dirección Xeral de Tráfico, na súa páxina web, pide prudencia nos desprazamentos viarios na zona centro e consultar as estradas afectadas por neve e xeo.
Segundo a DXT, as vías máis afectadas están en Castela-A Mancha, Castela e León, Aragón, a Comunidade de Madrid e a Valenciana, sendo especialmente complicada a situación na A-1, A-2, AP-6, A-15 e A-11.
Coa mellora das condicións meteorolóxicas, a situación vaise normalizando. Porén, Tráfico recomenda consultar na súa páxina web as vías que poidan ter algunha limitación.
Dispositivo da Garda Civil na N-122 en Soria
