Tras as subas das últimas semanas, o prezo do marisco mantense na véspera da Noiteboa
Tras as subas das últimas semanas, o prezo do marisco mantense na véspera da Noiteboa
Mercados cheos para levar á mesa marisco máis caro, pero fresco
O percebe do Roncudo superou os 200 euros o quilo
As peixeiras recoñecen que se vendeu moito marisco para conxelar xa desde outubro, pero na véspera da Noiteboa a imaxe do mercado coruñés da Coruña demostra que moita xente segue optando polo produto fresco, a pesar de ir máis caro.
"Nós preferimos facelo no mesmo día, si que se nota a diferenza. É moito mellor produto e o prezo loxicamente é moito máis caro fresco que conxelado".
"É carísimo, pero é un capricho".
Caprichos a prezos que comezaron a subir hai varias semanas, pero que estes últimos días non se dispararon.
"Hoxe están máis estancados, entón tampouco son tan desorbitados os prezos".
Nun dos postos atopamos o lagostinoo e o camarón a cento cincuenta euros o quilo, a nécora a cento dez e o lumbrigante a oitenta. Os percebes do Roncudo alcanzaron os douscentos dez euros o quilo, pero hóuboos -con menos sona, pero moi saboroso-, pola metade de cartos. Sucedeu o mesmo con outros mariscos. Os prezos oscilaron dependendo en moitos casos do tamaño, pero mantendo a calidade.
Os vendedores comentaron que o prezo do marisco comezou a subir hai varias semanas, pero que non se disparou estes últimos días. Nótase a satisfacción pola marcha dunha campaña do Nadal que cualifican como moi boa.
