Tres feridos nun dobre accidente na contorna do aeroporto de Vigo
Dous axentes de tráfico que acudiron a sinalizar un primeiro sinistro entre dous coches e un camión resultaron feridos ao ser embestido o seu coche por outro vehículo
Dous axentes da Garda Civil foron embestidos este mércores por un turismo cando estaban a sinalizar os accesos á AP-9 para poder organizar o tráfico debido ás retencións provocadas por un accidente rexistrado á saída do aeroporto de Vigo. Ese primeiro accidente entre un camión e dous turismo saldárase cun ferido.
Posteriormente, un condutor que non de decatou da presenza dos axentes na zona acabou impactando contra eles, razón pola que foron derivados a un centro hospitalario, segundo informou o Instituto Armado.
O turismo causante do choque envorcou e o vehículo que utilizaban os gardas tamén sufriu danos materiais.
Por agora, descoñécese o alcance das lesións dos axentes.
