Problemas para emprender no rural pola falta de fibra óptica

Aarón Ojea ten 21 anos. Trasladouse a vivir a aldea de Ludeiros, en Ramirás, en novembro do ano pasado.  Antes de trasladarse coa súa familia comprobaron que a localidade tiña fibra óptica, fundamental para desenvolver o seu proxecto, unha consultoría de intelixencia artificial destinada a optimizar o traballo das empresas.

Pero a día de hoxe segue sen servizo. O motivo é o mal estado duns postes, o que impide levar a conexión ata súa vivenda. Xa presentaron varias reclamacións pero mentres non se resolve o problema tivo que rexeitar a varios clientes.

Para manter vivo o rural, di, é imprescindible contar cunha boa conexión a internet que permita traballar ou estudar dende calquera punto de Galicia.