Un composto químico nos envases alimentarios pode danar o sistema inmunitario
Un composto químico nos envases alimentarios pode danar o sistema inmunitario
A Autoridade Europea de Seguridade Alimentaria alerta do perigo de consumir bisfenol A
Esta prohibido en España, pero os envases plásticos alimentarios chegan de países nos que está permitido
O bisfenol A é un composto químico que se usa na fabricación de envases de alimentos e en produtos plásticos de uso diario, como friameiras ou xoguetes.
Os científicos alertan dende hai anos da súa toxicidade, e a Autoridade Europea de Seguridade Alimentaria concreta agora que pode ser un risco para o sistema inmunitario.
"Produce inflamación no noso sistema inmunitario, se se consome de forma continuada durante un período longo de tempo pode producir desequilibrios o noso sistema inmunitario e pode predispor a xente a enfermidades autoinmunes ou alérxicas", di José Gómez Rial,
inmunólogo do Hospital Clínico de Santiago
O produto transfírese aos alimentos sobre todo cando se somete a altas temperaturas, polo que non é recomendable quentar os envases no microondas ou expoñelos ao sol.
Malia que está prohibido en moitos paises, entre eles España, ao non haber unha normativa homologada, o bisfenol A segue estando nos alimentos que se venden en tendas e supermercados de todo o Estado.
"Que haxa unha normativa, digamos a nivel europeo e mundial, porque ao final os envases plásticos que se venden en España proveñen doutros países", engade Gómez Rial.
Aínda que a inxestión diaria de bisfenol A a través de comida enladada ou plastificada é mínima, ao longo do tempo pode ser acumulativa e danar a saúde.
