Os pediatras que testan a vacina en nenos tranquilizan os pais con dúbidas

Os nenos colocáronse á cabeza en incidencia acumulada nesta sexta vaga da pandemia. Os menores de cinco anos, que aínda non foron vacinados, concentran o maior número de contaxios. A maioría pasa a infección sen síntomas ou con síntomas leves.

"Pero non hai que esquecer que unha porcentaxe pequena, uns 400 ou 500 nenos estiveron hospitalizados nesta sexta vaga e máis de 50 en ucis pediátricas. Por tanto, se podemos protexelos, mellor".

O pediatra Ignacio Salamanca, á fronte da área de investigación do Instituto Hispalense de Pediatria, vén desenvolvendo ensaios clínicos sobre a seguridade dos soros entre os menores e tranquiliza os pais con dúbidas.

"Garantizamos que o perfil de seguridade vai ser igual cando estea autorizado nos máis pequenos, nos menores de cinco anos, que en todos os demais cortes de idade xa vacinados".

No Instituto Hispalense de Pediatría tamén están investigando canto dura a inmunidade nos nenos.