Un home faleceu este luns en Vedra ao ser atropelado pola súa propia furgoneta

Un home faleceu este luns en Vedra ao ser atropelado pola súa propia furgoneta e quedar atrapado debaixo do vehículo nunha zona de pendente, na parroquia de Trobe. Os feitos sucederon uns minutos antes das 17:30 horas. 

O 112 requiriu a intervención de Urxencias Sanitarias de Galicia-061, que desprazou ata o lugar do accidente un equipo médico nun helicóptero.

A pesar dos esforzos por salvarlle a vida, os efectivos sanitarios só puideron confirmar o falecemento do home.  

Para liberalo, ao lugar acudiron os membros do GES da Estrada. Ademais, informouse os Bombeiros de Santiago e de Ordes, á Garda Civil e á Agrupación de Voluntarios de Protección Civil de Vedra.