Un incendio, posiblemente orixinado intencionadamente, obriga a confinar un edificio de Narón

O incendio de varios colectores de lixo obrigou a confinar os veciños dun edificio da Gándara, en Narón.

O lume estaba preto das vivendas e xa afectaba a fachada do inmoble.  Malia a virulencia das lapas, a rápida intervención dos bombeiros evitou que ningunha persoa resultara ferida.

A Policía Nacional xa investiga os feitos. Hai unha investigación en marcha para dar cos responsables porque todo apunta a que o incendio foi intencionado.