Un motorista ferido grave nun accidente en Ourense

Un motorista quedou hoxe ferido en Ourense nun accidente acontecido preto das cinco da tarde na Nacional 120, á altura do barrio do Pino.

Por causas que a Policía Local investiga, a moto colidiu cun turismo que circulaba no mesmo sentido, o condutor do coche quedou ileso pero o home que ía na moto caeu sufrindo feridas graves.

Axiña chegaron os bombeiros de Ourense ao lugar do sinistro, despexaron a vía e atenderon o motorista ata que chegou a ambulancia que o trasladou ao hospital.