Unha discoteca de Portonovo cancela a festa de fin de ano para a que vendera 2.200 entradas
Unha discoteca de Portonovo cancela a festa de fin de ano para a que vendera 2.200 entradas
Os directivos decidiron a suspensión do evento por precaución
Xa comezaron a devolver o importe das entradas
A Pobra do Brollón cancela a cabalgata de Reis
Pechada a cal e canto. Así vai permanecer a madrugada do 1 de xaneiro esta discoteca de Portonovo onde todo estaba preparado para celebrar unha festa de fin de ano con máis de 2.200 asistentes.
A evolución da pandemia levou os seus propietarios a tomar a decisión de cancelala mesmo antes de coñecer as posibles restricións que poida establecer o comité clínico que se reúne este luns.
A decisión obrigounos a cancelar servizos e actuacións e persoal que xa tiñan contratados. 42 persoas en sala, dous picadiscos de Madrid, mercadorías e o servizo de autobuses.
Á falta das decisións que esta tarde poida adoptar o comité clínico, hai concellos como o lucense da Pobra de Brollón onde xa anunciaron a suspensión da cabalgata de Reis.
Outros concellos valoran alternativas de cabalgatas estáticas ou que as súas maxestades de Oriente poidan recibir os máis pequenos da casa en espazos exteriores.
