Unha discusión no metro de Brooklyn remata nun tiroteo cun ferido grave

Todo comezou nun vagón cando dous dos pasaxeiros do metro de Brooklyn empezan a discutir. Ao pouco un deles golpea o outro sen descanso para inmobilizalo. Algún dos viaxeiros intenta mediar e separalos, pero a tensión vai en aumento.

Ata que un dos agresores saca unha pistola que levaba agochada, pero o outro consegue facerse con ela e dispara ata en tres ocasións, alcanzando a cabeza da vítima.

Son momentos de pánico e moita tensión entre os pasaxeiros porque ninguén sabe que está pasando. Moitos agóchanse para protexerse mentres outros entre berros piden que se peche a porta do vagón.

A policía chegou de inmediato e conseguiu deter o autor dos disparos, mentres a vítima tivo que ser trasladada en estado crítico ao hospital.