Unha muller de 73 anos circula en sentido contrario pola AP-9 en Pontevedra
Unha muller de 73 anos circula en sentido contrario pola AP-9 en Pontevedra
Esquivou varios vehículos nun treito de pouco máis dun quilómetro
É o quinto caso dun coche kamikaze que se rexistra en quince días
Novo caso dun coche que circula en sentido contrario pola AP-9. Desta volta, a condutora é unha veciña de Poio, de 73 anos, denunciada por un delito contra a seguridade viaria. Ademais, xa está en curso a proposta da retirada definitiva do seu carné de conducir.
Circulou pouco máis dun quilómetro pola autoestrada, no concello de Pontevedra, preto do lugar no que o domingo pasado se rexistrou un accidente entre un autobús e un coche que tamén accedera en sentido contrario.
Foi outro usuario o que conseguiu desde o seu vehículo reducir a marcha da infractora. A muller cruzouse con varios automóbiles e incluso cun camión, pero conseguiu esquivalos.
Nas últimas tres semanas rexistráronse outros casos similares nos concellos de Miño, Vigo e o Porriño.
