Unha sauna causa un incendio nunha vivenda en Oleiros
Unha sauna causa un incendio nunha vivenda en Oleiros
O lume que afectou só o cuarto onde estaba a instalación non causou feridos
A casa de tres andares está situada na rúa dos Niños, nas proximidades da praia de Bastiagueiro
Unha sauna estaría na orixe dun incendio, sen danos persoais, nunha vivenda en Oleiros. As lapas non se estenderon ao resto da casa, situada nas proximidades da praia de Bastiagueiro.
Os Bombeiros de Arteixo e o Servizo de Emerxencias de Oleiros participaron nos traballos de extinción das lapas. Ata o lugar desprazouse tamén a Garda Civil e a Policía Local.
No cuarto afectado, ademais da maquinaria da sauna, había tamén produtos téxtiles que arderon con rapidez. A propietaria da vivenda, de tres andares, foi quen avisou primeiro o 112 e a intervención saldouse cun bo susto pero sen feridos. A fumareda era visible desde lonxe.
