Unhas 7.000 mulleres participarán o domingo na Carreira da Muller da Coruña
Unhas 7.000 mulleres participarán o domingo na Carreira da Muller da Coruña
A Asociación Española contra o Cancro recibirá gran parte do recadado
Rocío e a súa filla Inés adestran acotío. O seu próximo desafío é a Carreira da Muller da Coruña, na que participarán o domingo, xunto ao seu equipo de Marines que promove o deporte adaptado en familia.
"Xuntamos a visibilidade da muller que me parece importante coa discapacidade e o deporte. E imos intentar visibilizar todo iso", asegura Rocío Alfonso.
Tamén Vanesa acudirá un ano máis á cita co seu club, o Oysho Running Club.
"Nunca sinto a nivel sensacións e de enerxía o que sinto cando corro esta carreira".
Quedan poucos días para a proba e hai que seguir preparándose.
As corredoras disporán de 90 minutos para completar 6,3km que discorrerán polo paseo marítimo entre Riazor e a Torre de Hércules.
Todas unidas na loita contra o cancro de mama e este ano tamén o metastásico.
A Asociación Española contra o Cancro recibirá gran parte do recadado na Carreira da Muller da Coruña na que este ano participarán unhas 7.000 mulleres.