Preto de 22.000 persoas optan a unha das 400 prazas ofertadas pola Xunta
Preto de 22.000 persoas optan a unha das 400 prazas ofertadas pola Xunta
Este sábado é a quenda do corpo superior da Administración autonómica A1 e do corpo auxiliar C2
Pola mañá examináronse 822 persoas, que compiten por acadar unha das 75 prazas ofertadas
Outra fin de semana máis de nervios no recinto feiral de Silleda. Na mañá deste sábado era a quenda do corpo superior da Administración autonómica (A1). Para este exame estaban inscritas preto de 1.600 persoas, presentáronse finalmente 822, un 52 % dos aspirantes iniciais.
O conselleiro de Facenda e Administración Pública, Miguel Corgos, asistía ao inicio destas oposicións. Defendía a transparencia e a previsión coa que a Xunta realizou a convocatoria dos exames.
"Xa publicamos as datas dos exames na primavera, de todos os exames que se van celebrar de xuño ata febreiro de 2024 e a vindeira semana publicaremos xa as datas dos segundos exames dalgunhas probas", di o conselleiro.
Os 822 opositores compiten por acadar unha das 75 prazas ofertadas pola Xunta.
"Eu creo que este ano con todos os anuncios previos que houbo para poder organizar o estudo e o número de prazas que hai, eu creo que está moi ben para que sexa o ano para sacar a praza, pero a ver se hai sorte", destaca unha opositora.
Na tarde deste sábado e mañá domingo continúan os exames de oposición da Xunta, con preto de 22.000 persoas inscritas para acceder a preto de 400 prazas de emprego público.
.png)
