Varios detidos nunha operación contra o tráfico de persoas e a explotación sexual no Carballiño
Varios detidos nunha operación contra o tráfico de persoas e a explotación sexual no Carballiño
A operación está baixo segredo de sumario
![](https://img-g24-crtvg.flumotion.com/prog24/2024/20240619/operaciontratacarballino.png)
Unha operación contra o tráfico de persoas e a explotación sexual que se leva a cabo no municipio ourensán do Carballiño liquidouse con varios detidos.
Segundo fontes próximas ao caso, a investigación centrouse en domicilios e clubs de alterne da provincia.
A operación continúa aberta e está xa baixo segredo de sumario.
Fontes da Consellería de Política Social confirman estar pendentes da evolución da operación policial levada a cabo este martes e lembran que Galicia é "pioneira" na loita contra a trata con fins de explotación sexual.
Por este motivo, recalcan, a nivel lexislativo incluíu a trata de mulleres e nenas con fins de explotación sexual como unha forma de violencia de xénero, "dando acceso a estas vítimas ás mesmas prestacións económicas ás que teñen dereito as demais vítimas de violencia de xénero", como a axuda económica mensual e os recursos de apoio xurídico, psicolóxico, social e de inserción laboral.