Verducido decidirá os padexeiros galegos que irán aos xogos de París
Verducido decidirá os padexeiros galegos que irán aos xogos de París
No K4 500, Teresa Portela, Carolina García, Rodrigo Germade e Carlos Arévalo teñen moitas opcións
Antía Jácome parece indiscutible no C2 500
Desde este mércores decídense os piragüistas que representen a selección española para os Xogos Olímpicos de París. Entre eles hai un bo número de galegos, cinco con opcións moi serias de estar entre os elixidos.
Onde máis posibilidades hai é no K4 500. No feminino, a presenza de Teresa Portela e de Carolina García parece segura. Forman o equipo que conseguiu a praza olímpica. O mesmo acontece no K4 500 masculino con Rodrigo Germade e Carlos Arévalo (acadaron a prata en Tokyo) acompañando a Saúl Craviotto e Marcus Cooper.
Tamén parece segura a presenza de Antía Jácome no C2 500. Ela e María Corbera forman unha das mellores parellas do mundo e agardan certificar o pase no selectivo. Antía Otero é outra das que optan á praza.
Máis complicado está para Manuel Fontán e Adrián Sieiro no C2 500 masculino. A parella galega estivo por detrás de Cayetano García e Pablo Martínez, aínda que agardan poder dar a sorpresa na casa.
