Vero Boquete deixa o Milán e xogará na Fiorentina

E temos que falar da futbolista galega máis internacional. Vero Boquete cambia de aires.

Vai seguir en Italia, iso si, pero pasa do Milán á Fiorentina, onde xogará ata o final da temporada.

A compostelá ponlle punto final así á súa estadía de ano e medio no club rossonero onde nas últimas semanas estaba a ter problemas co adestrador.

A Fiore será o décimo cuarto equipo profesional da xogadora santiaguesa.