Curtis recupera o espírito do século pasado nas súas feiras de 1900

En Curtis celebráronse esta fin de semana As feiras de 1900, unha recreación que se fai dende hai oito anos coa intención de recuperar o espírito que se vivía neste concello a principios do século pasado.

A implicación da veciñanza é tal que a cita non só se vive na rúa, senón que algúns tamén recrean a feira dentro da propia casa.

A estación do tren vertebra a vila, e a súa presenza, ao igual ca a do leite, é constante. Os traxes, o autobús de época, os postos ou os bailes devólvenlle a Curtis o sabor daqueles tempos.