Visita guiada por Monforte para conmemorar o Día Europeo da Cultura Xudaica

Poucos vestixios quedan en Monforte de Lemos da presenza de xudeus antes da súa expulsión no século XV. Con todo, a vila forma parte da Rede de Xuderías de España. Un percorrido pola zona medieval axuda a coñecer o seu legado.

Rúas coma a Falagueira ou a Praza da Pescadería vencéllanse a unha zona de ámbito xudeu porque en Monforte a convivencia entre a comunidade cristiá e a hebrea dáse por feito que foi de integración. 

Un itinerario que se apoia na historia de Monforte e serve para conmemorar a Xornada Europea da Cultura Xudaica.